الطفل “زياد” حالة مرضية فى الداخلة تحتاج لعلاج شهرى لأكثر من 10آلاف جنيه والأسرة بقينا على الحديدة ومعدناش قادرين نعمل حاجة

كتب ـــ عماد سبع :

التقت جريدة أخبار الوادى الجديد بأسرة الطفل ” زياد احمد جاد ” السن 9 سنوات الصف الرابع الابتدائى ، من قرية المعصرة فى الداخلة بمحافظة الوادى الجديد التى تعانى من ضيق فى الحالة المادية وعلاج نجلهم زياد الذى يتكلف اكثر من 10 آلاف جنيه شهريا ، فضلا عن مصروفات التحاليل والسفر لأسيوط والقاهرة مرتين شهريا التكلفة الإجمالية لعلاج الطفل تتخطى 12 ألف جنيه فى الشهر الواحد . 

بدأت والدة الطفل بشرح المرض وهو تكسير فى الصفائح الدموية للطفل تشخيص ( I T B )  والذى يتسبب فى تقرحات فى جسم الطفل والفم و اللثة ، ورم بكامل الجسم ، عدم القدرة على عيش الطفل حياته مع الأطفال والخروج من المنزل إلا القليل ، نزيف من الانف ومع البول والبراز ، الة نفسية مذرية .

وأضافت والدة الطفل ان المرض بدأ مع الطفل من سن الثالثة وحتى وقته الحالى وهو  الآن فى سن التاسعة ، بدأنا مع زياد العلاج فى أسيوط من 6سنوات ثم انتقلنا للعلاج فى القاهرة مستشفى الدمرداش ، وشفنا أيام أسود من شعر راسنا حتى أنه فى أحد الأيام كنت فى المستشفى والدكتور رفض أنى أبات مع الطفل ونمت فى الشارع ومعايا بنتى الصغيرة التى كانت لا تتعدى شهرين وكان فى الشا حتى ان المطرة مطرت علينا ومش قادرة أروح مكان لأنى كنت خايفة على ابنى زياد . 

وأفادت والدة زياد روحنا عند كذا دكتور فى أسيوط وكنت بتحجز يمكن فى الشهر مرتين وفى أوقات كنت منزلش الشنطة وارجع تانى بيه على أسيوط علشان كان بيتعب مننا ، كان بياخد علاج مخلف مكنش جايب نتيجة معاه ، إلى أن بدأنا فى الكورتيزون كان بيرفع النسبة بس بترجع على طول ويتعب ومش عارفين العاج إيه .

كما أضافت انه لما ظهر علاج جديد اسمع ريفولاد 25 بدأ ياخد منه حالته بدأت تتحسن شوية شوية بس مش بالدرجة الكويسة والنسبة مكنتش بتترفع وده بيحتاج بزل النخاع الشوكى من اخوه والعملية دى بتكلف 4 آلاف جنيه .

ووأردفت دلوقتى الدكتور استقر على علاج ريفولاد 50 وده الحمد لله متجاوب مع الطفل ومعدناش بنتحجز لكن الأمر مؤلم لأن العلبة 4333 جنيه فيها شريطين والشريط فيه سبع حبات ولازم يوميا ياخد حباية لأنه لو ما أخدش يبقى كل حاجة تنهد وترجع تانى زى ما هي يعنى بياخد علبتين وشريط كل شهر بما يعادل 10.900 جنيه . فضلا عن مصاريف السفر والموصلات والتحاليل .

وأضاف والد الطفل طرقنا كل الأبواب تأمين صحى ونواب الشعب وأهل الخير والجمعيات فى ناس بتساعد لكن المبلغ كبير جدا علينا ، حتى انى عملت سلفة على المرتب وبعت حاجات كتير ودلوقتى مش عارف اجيب منين ولا اتصرف ازاى ودخل والد الطفل والعائلة فى نوبة من الحزن والبكاء . 

وناشدت الأسرة جميع المسؤلين وقيادات محافظة الوادى الجديد وأعضاء مجلس النواب والمحافظ  ووزيرة الصحة ورئاسة الجمهورية بتبنى حالة الطفل ” زياد”  المقتبل على العمر بصرف العلاج على نفقة الدولة والتأمين الصحى . 

كما ناشدت جريدة أخبار الوادى الجديد رؤساء مجلس إدارة شركات النقل والسياحة بالوادى الجديد بالمساهمة مع أسرة الطفل بعمل 3 كارنيهات سفر للأب والأم والطفل للسفر لعلاج نجلهم فى القاهرة وأسيوط .

 

وأسرة اخبار الوادى الجديد لديها كل الثقة فى جميع رجال الاعمال والاهالى والقيادات بتينى هذه الحالة ، وإن شاء الله سيكون الشفاء قريب بإذن الله .

سعر العلبة 4333 جنيه ، بياخد علبتين ونصف فى الشهر

تحاليل للطفل

تحاليل للطفل تبين نسبة الصفائح فى الجسم

تقارير طبية للطفل

تقرير لحالة الطفل

أسرة الطفل مع نجلها المريض

بكاء الطفل عند سؤاله عن حالته

نظرة امل وحزن للطفل المريض ” زياد “

فيديو لأسرة الطفل 

الطفل ( زياد أحمد حماد ) مريض بتكسر الصفائح الدموية و يحتاج علاج شهرى بأكثر من 10 آلاف جنيه ، والأسرة لا حول لها ولا قوة، والطفل نفسى أخف وأبقى كويس زى كل العيال 😥😥 دعوة لأهل الخير والمسؤولين ورجال الأعمال فى تبنى علاج هذه الحالة المستعصية والمساهمة مع أسرة الطفل التى أصبحت لا تملك شيء لطول فترة العلاج لأكثر من 6 سنوات. اللهم إن نسألك الشفاء العاجل غير الآجل انك ولى ذلك والقادر عليه .#العنوان . الوادى الجديد . الداخلة . المعصرة#شارك الفيديو لعل الخير فى مشاركاتك الفيديو ويصادف أحد القلوب الرحيمة من أى مكان ، لأن الوضع حقا مؤلم للغاية . جزاكم الله خيرا

Gepostet von ‎عماد سبع‎ am Samstag, 28. Juli 2018

تعليقات الفيس بوك

تعليقات

lite